Grizmann kelasi haftadayoq "Atletiko" bilan xayrlashadi

 26 FEVRAL, 2026, 12:24

Madridning «Atletiko» klubi hujumchisi Antuan Grizmann tez orada jamoani tark etishi mumkin.

«El Larguero» nashrining xabar berishicha, 34 yoshli futbolchi «Orlando Siti» klubi bilan kelishuvga juda yaqin turibdi. Agar kutilmagan holatlar yuz bermasa, yaqin orada shartnoma imzolanadi. Kutilishicha, frantsiyalik futbolchi 7 mart kuni «Real Sosedad»ga qarshi bo'lib o'tadigan uchrashuvda «Metropolitano» stadioni muxlislari bilan xayrlashadi. MLS klublari uchun transfer oynasi 26 martgacha ochiq bo'ladi.

Antuan Grizmann «matraschilar» safida barcha turnirlarda jami 481 ta o'yin o'tkazib, 210 ta gol va 95 ta golli uzatmani amalga oshirgan. Joriy mavsumda esa hujumchi 36 ta uchrashuvda maydonga tushib, 12 ta gol urdi va jamoadoshlariga ikki bor golli pas berdi.