Edegor Arteta bilan janjallashib qoldi

 25 FEVRAL, 2026, 23:18

Yarim himoyachi Martin Edegor yozda "Arsenal"ni tark etishi mumkin.

Xabarga ko'ra, norvegiyalik futbolchi va "kanonirlar" bosh murabbiyi Mikel Arteta o'rtasidagi munosabatlar keskinlashgan. Futbolchi so'nggi bir necha oy ichida o'ziga bergan va'dalarini bir necha bor buzgan London klubi rahbariyati va murabbiylar shtabi tomonidan o'ta past baholanganini his qilmoqda.

Endi Edegor yozda "Arsenal"ni tark etishga bel bog'lagan. "Bavariya" qiziqish bildirayotganiga qaramay, norvegiyalik "Manchester Yunayted"ga o'tmoqchi.

Martin Edegor 2021 yilda "Real"dan 35 million evro evaziga "Arsenal"ga o'tgandi. Uning shartnomasi 2028 yilning 30 iyuniga qadar mo'ljallangan. Yarim himoyachi joriy mavsum "kanonirlar" safida jami 27 ta o'yinda maydonga tushdi va 1 ta gol hamda 7 ta golli uzatmaga mualliflik qildi.