Laporta o'z mavqeini yo'qotyaptimi? "Barselona"dagi prezidentlik saylovlarida g'alaba qozonish uchun kim favorit ekanligi ma'lum bo'ldi

 25 FEVRAL, 2026, 20:42

Ispaniyaning mashhur «Mundo Deportivo» nashri «Barselona» prezidentligiga saylovlar arafasida o'z so'rovnomasini o'tkazdi.

500 nafar respondent ishtirok etgan tadqiqot natijalariga ko'ra, «Barselona»ning amaldagi prezidenti Juan Laporta 58,66% ko'rsatkich bilan etakchilik qilmoqda. Avvalgi saylovlarda uni saylovchilarning 60 foizdan ortig'i qo'llab-quvvatlagan edi. Ayni damda u o'z raqobatchilarini sezilarli darajada ortda qoldirmoqda: Viktor Font (20,33%), Mark Siriya (7,33%) va Xavi Vilaxoana (1,33%).

Shuningdek, hali bir qarorga kelmagan saylovchilar soni ham anchagina — 12,33% ni tashkil etmoqda.

«Barselona» prezidentini saylash kuni 2026 yil 15 mart, yakshanba kuniga belgilangan.

Eslatib o'tamiz, Juan Laporta 2021 yilning martidan buyon klub prezidenti hisoblanadi. Bungacha u 2003 yildan 2010 yilgacha ham klubni boshqargan.