Xau 6:1 hisobidagi g'alabadan so'ng rotatsiya qiladimi?

 24 FEVRAL, 2026, 18:36

«Nyukasl» safarda «Qorabog'»ni 6:1 hisobida mag'lub etdi, natijada javob uchrashuvi shunchaki rasmiyatchilikka aylanib qoldi. Matbuot anjumanida Eddi Xaudan tarkibda rotatsiya qilish-qilmasligi haqida so'rashdi.

«Biz tarkibni ko'rib chiqamiz va maydonga kuchli jamoani tushirishga harakat qilamiz. Birinchi maqsadimiz — g'alaba qozonish. Shu bilan birga, yaxshi ritmni saqlab qolmoqchimiz. Bu rotatsiya qilish va futbolchilarning tetikligini ta'minlash hamda ularning o'yin ritmi va a'lo kayfiyatini yo'qotmasligi o'rtasidagi nozik muvozanatdir», - dedi Xau matbuot anjumanida.

«Nyukasl» va «Qorabog'» o'rtasidagi javob uchrashuvi Toshkent vaqti bilan tungi soat 01:00 da boshlanadi.