Koke: "Bizga muxlislar kuchi kerak"

 24 FEVRAL, 2026, 14:48

Madridning "Atletiko" klubi yarim himoyachisi Koke Chempionlar ligasi doirasida Belgiyaning "Bryugge" klubiga qarshi kechadigan uchrashuvga bag'ishlangan matbuot anjumanida chiqish qildi.

Pley-offning javob uchrashuvi 24 fevral kuni bo'lib o'tadi, hakam Kleman Tyurpenning boshlang'ich hushtagi Toshkent vaqti bilan 22:45 da yangraydi. Eslatib o'tamiz, dastlabki o'yin 3:3 hisobida yakunlangan edi.

"Biz kurashishimiz, har bir to'p uchun kurashishimiz va, albatta, gol urishimiz kerak. Bizga shunday kechalar kerakki, unda muxlislarimiz bor kuchini ishga solsin, futbolchilar ham ularga shunday javob qaytarsin", - deya Kokening so'zlarini keltiradi UEFA sayti.