"Real" Kompani bilan shartnomani uzaytirdi
23 FEVRAL, 2026, 21:36
«Real» 17 yoshli yarim himoyachi Marko Kompani bilan shartnomani uzaytirdi.
Yangi kelishuv 2028 yilgacha amal qiladi. Madridliklar Kompanining shartnomasiga katta miqdordagi tovon pulini belgilab qo'yishdi. Endilikda yarim himoyachini sotib olmoqchi bo'lgan klub 100 million evro to'lashi kerak bo'ladi.
Futbolchi klub tizimiga 2023 yilda kelib qo'shilgan edi. Marko Kompani Ispaniyaning o'smirlar va yoshlar terma jamoalariga muntazam ravishda chaqirilmoqda.
