Ambrozini: "Parma" "Arsenal" uslubida keldi"

 23 FEVRAL, 2026, 06:24

Italiyaning "Milan" klubi A Seriyaning navbatdagi turida mag'lubiyatga uchradi, ammo Italiyada ushbu mag'lubiyatga sabab bo'lgan gol atrofida bahs avj olmoqda.

Ko'pchilikning fikricha, epizodda "Milan" darvozaboni Mayk Menyanga nisbatan qoidabuzarlik sodir etilgan va shuning uchun gol bekor qilinishi kerak edi. "Milan"ning sobiq sardori Massimo Ambrozini vaziyatga izoh berdi.

"Angliya chempionatida standart vaziyatlar etakchisi sifatida e'tirof etilgan "Arsenal"ga qarang. Burchak zarbasi amalga oshirilganda, ular raqib jarima maydonchasiga o'ntadan o'yinchi qo'yadi va u erda darvozabonga nisbatan qoidabuzarlik bo'lgan-bo'lmaganini tushunish qiyin bo'ladi. "Parma" ham xuddi shunday yo'l tutdi", - dedi  sobiq futbolchi.