Ronalduning gollari soni 964 taga etdi!

 22 FEVRAL, 2026, 01:54

Krishtianu Ronaldu faoliyatidagi 963 va 964-gollarini kiritdi.

«An-Nasr» hujumchisi Saudiya Arabistoni chempionati doirasidagi «Al-Xazem»ga qarshi o'yinning 13-daqiqasida hisobni ochgan bo'lsa, 79-daqiqada dublni rasmiylashtirdi. Ikkala holatda ham unga Kingsli Koman golli uzatma etkazib berdi.

41 yoshli portugaliyalik futbolchi ketma-ket uchinchi o'yinda maydonni golsiz tark etmayapti. Endilikda uning hisobida klub miqyosida 822 ta, terma jamoa safida esa 142 ta gol mavjud.