Jeksonga "Atletiko"dan qiziqish bor

 21 FEVRAL, 2026, 17:48

Nikolas Jekson o'tgan yozda ijara asosida "Bavariya"ga o'tgan edi. Biroq, OAV ma'lumotlariga ko'ra, myunxenliklar futbolchini sotib olish huquqidan foydalanmoqchi emas. Shu sababli, hujumchi shu yozda "Chelsi"ga qaytadi.

Londonliklar Jeksonni sotib yuborishga tayyor. "Ko'klar" forvard uchun 40 million evro miqdorida narx belgilashgan. Ayni damda futbolchiga Madridning "Atletiko" klubi da'vogarlik qilmoqda.

Nikolas Jekson "Chelsi" safida jami 81 ta o'yinda maydonga tushib, 30 ta gol va 12 ta golli uzatmani amalga oshirgan. Transfermarkt portali futbolchining bozor qiymatini 45 million evroga baholamoqda.