Gvardiola: "Nyukasl" tanaffusga qadar "Qorabog'"ga 9ta gol urishi mumkin edi"

 21 FEVRAL, 2026, 15:42

"Manchester Siti" bosh murabbiyi Xosep Gvardiola bo'lajak o'yindagi raqib "Nyukasl"ning kuchini baholadi.

"Men "Nyukasl"ning "Qorabog'"ga qarshi so'nggi o'yinini ko'rdim bu juda g'ayrioddiy edi. "Nyukasl" tanaffusgacha 5:0 hisobida oldinda borayotgandi, ammo 9:0 hisobida oldinda bo'lishi mumkin edi. "Qorabog'" darvozaboni aql bovar qilmaydigan uch-to'rt seyv amalga oshirdi. Ritm, temp, intensivlik - bu Eddi Xauning jamoasi, biz uni Chempionlar ligasiga birinchi marta chiqqanidan beri eslaymiz", - deya Gvardiolaning so'zlarini keltiradi City Xtra.

"Manchester Siti" Premer-liga jadvalida ikkinchi, "Nyukasl" esa o'ninchi o'rinda bormoqda.