Garnacho yangi klub tanladi

 21 FEVRAL, 2026, 15:00

"Chelsi"ning argentinalik vingeri Alexandro Garnacho faoliyatini Italiya A Seriyasida davom ettirmoqchi.

Topskills Sports UK xabariga ko'ra, "Chelsi" 21 yoshli futbolchidan yozgi transferlar davrida qutulmoqchi. Ta'kidlanishicha, Garnachoga ikkita asosiy da'vogar bor - "Milan" va "Inter." O'yinchining o'zi "neradzurrilar" qarorgohiga o'tish variantini afzal ko'radi.

Joriy mavsumda Garnacho barcha musobaqalarda 29 ta o'yinda maydonga tushib, 6 ta gol urdi va 3 ta golli uzatmaga mualliflik qildi.

Futbolchining "Chelsi" bilan shartnomasi 2032 yilgacha mo'ljallangan. Transfermarkt ekspertlari uning narxini 45 million evroga baholamoqda.