Maktominay: "Futbol juda yumshoq bo'lib ketyapti"

 20 FEVRAL, 2026, 17:00

Shotlandiya terma jamoasi va Italiyaning "Napoli" klubi yarim himoyachisi Skott Maktominay so'nggi yillarda jahon futbolidagi o'zgarishlar haqida fikr bildirdi.

"Futbol juda yumshoq bo'lib bormoqda. Bolaligimda boshqachasiga o'rganib qolganman. Bizga qattiq va bosim bilan o'ynashni o'rgatishgan. Endi esa birgina teginish sariq kartochkaga olib kelishi mumkin. Menimcha, hozirda ta'sirchanlik haddan tashqari kuchayib ketdi", - deya futbolchining so'zlarini keltiradi Janluka Di Martsio sayti.

Joriy mavsumda 29 yoshli futbolchi barcha turnirlarda 34ta o'yinda maydonga tushib, 10ta gol urgan, 4ta golga hammualliflik qilgan va 2ta ogohlantirish olgan.