Bektemir Meliqo'zievning raqibi bo'lajak jang oldidan nimalar dedi?

 20 FEVRAL, 2026, 16:32

Supero'rta vazn toifasidagi prof bokschimiz Bektemir Meliqo'ziev 22 fevral tongida ganalik Sena Agbekoga qarshi ringga ko'tariladi.

Ganalik charmqo'lqop ustasi jang oldidan o'z fikrlari bilan o'rtoqlashdi.

"Bu yorqin va qiziqarli jang bo'lishi aniq. Bilaman, uni "Bully", yani, "bezori" deb atashadi. Lekin bu jangda mening rejam "bezori"ga bosim o'tkazish bo'ladi", dedi Agbeko.

Malumot uchun, 29 yoshli Bektemir Meliqo'ziev prof faoliyati davomida hozirgacha 17 ta jang o'tkazib, 16 ta g'alaba va 1 ta mag'lubiyat qayd etgan. 33 yashar Sena Agbeko hisobida esa 29 ta g'alaba va 4 ta mag'lubiyat bor.  

Manba: olamsport.com