Kubarsi Alvares va Bastonining «Barselona»ga o'tishi mumkinligi haqida gapirdi

 19 FEVRAL, 2026, 12:18

«Barselona» markaziy himoyachisi Pau Kubarsi klubning Xulian Alvares va Alessandro Bastoniga bo'lgan qiziqishi haqida o'z fikri bilan o'rtoqlashdi.

Madridning «Atletiko» hujumchisi va Milanning «Inter» markaziy himoyachisi «ko'k-anorranglilar»ning transfer maqsadlari qatorida qayd etilgan, biroq kataloniyaliklarning moliyaviy qiyinchiliklari sababli ulardan hatto birini qo'lga kiritish ham nihoyatda mushkul bo'ladi.

«Alvaresning transferi? Xulian — top-futbolchi, dunyo darajasidagi hujumchi. Men unga qarshi o'ynaganman. U «Barselona» talablariga to'liq javob beradi deb hisoblayman.

Bastoni — ajoyib himoyachi. Men uning o'yinlarini bir necha bor ko'rganman va barchamiz u nimalarga qodirligini bilamiz. Lekin hammasi klubga bog'liq», — deya «Barca Universal» Kubarsining so'zlaridan iqtibos keltiradi.

Transfermarkt portali Alvares va Bastonining narxini mos ravishda 100 va 80 million evroga baholamoqda.