«Shok!»: FIFA Vinisius bilan sodir bo'lgan vaziyatga munosabat bildirdi

 19 FEVRAL, 2026, 12:00

FIFA rahbari Janni Infantino Lissabonning «Benfika» va Madridning «Real» jamoalari o'rtasidagi Chempionlar Ligasi uchrashuvida yuz bergan mojaroga munosabat bildirdi. O'yin davomida «qaymoqranglilar» hujumchisi Vinisius Junior irqchilik haqoratlariga duch kelgan edi.

«Men shokda qoldim! Bu voqea meni juda qattiq xafa qildi. Bizning jamiyatimizda irqchilikka o'rin yo'q. Tegishli choralar ko'rilishi uchun barcha ishni qilishimiz kerak», — deya Xalqaro futbol federatsiyasi matbuot xizmati rahbarning so'zlarini keltirmoqda.

Dastlabki o'tish o'yini «qirollik klubi»ning 1:0 hisobidagi minimal g'alabasi bilan yakunlandi. Yagona gol ikkinchi bo'lim boshida Vinisius tomonidan kiritildi.