Rasman. UEFA "Vinisius ishi"ni tekshirishni boshladi

 18 FEVRAL, 2026, 18:36

UEFAning rasmiy saytidagi intizom bo'limida "Vinisius ishi" deb nomlangan jarayon bo'yicha tergov boshlangani haqida ma'lumot e'lon qilindi. "Real"ning braziliyalik hujumchisi Chempionlar ligasi doirasidagi "Benfika"ga qarshi o'yinda Lissabon jamoasi a'zosi Janluka Prestiannini irqchilikda ayblagan edi.

UEFA ushbu ish bo'yicha odob-axloq va intizom inspektori tayinlanganini ma'lum qildi. Oldinda surishtiruv ishlari kutilmoqda. UEFA mazkur ish bo'yicha keyinroq qo'shimcha izoh beradi.

"Real" safarda "Benfika"dan ustun keldi va 1:0 hisobidagi g'alabani nishonladi. Chorshanba kuni, 25 fevral kuni jamoalar Madriddagi "Santyago Bernabeu" stadionida javob uchrashuvini o'tkazadilar.