Runi nima uchun Slot "Liverpul"ga mos kelmasligini tushuntirdi

 18 FEVRAL, 2026, 10:06

Mashhur ingliz sobiq futbolchisi Ueyn Runi "Liverpul" bosh murabbiyi Arne Slot haqidagi fikrlari bilan o'rtoqlashdi.

Angliyaga ko'chib o'tganidan keyingi debyut mavsumida niderlandiyalik mutaxassis "qizillar"ni Premer-liga chempionligiga boshlab kelgan edi, biroq joriy mavsum u qadar muvaffaqiyatli kechmayapti – jamoa 26 turdan keyin turnir jadvalida bor-yo'g'i oltinchi o'rinni egallab turibdi.

"Men Slot bilan bir necha bor uchrashganman va u yoqimli yigitga o'xshaydi. Lekin unda o'sha "Liverpul" aurasi bor deb o'ylamayman. Ehtimol, Yurgen Klopp davrining ta'siri sezilayotgandir – bunday davrdan keyin har qanday odamga qiyin bo'ladi", – deya Runining so'zlaridan iqtibos keltirmoqda "The Anfield Buzz".

Arne Slotning shartnomasi 2027 yilning o'rtalarigacha mo'ljallangan.