"Barselona" Levandovskiga o'rinbosarni A Seriyadan topdi

 17 FEVRAL, 2026, 13:36

Shu yozda Ispaniyaning "Barselona" klubi "Inter"ning 28 yoshli frantsuz hujumchisi Markus Tyuram bilan shartnoma imzolash imkoniyatini ko'rib chiqadi. Bu haqda Calciomercato nashri xabar bermoqda.

Qayd etilishicha, Tyuram polshalik hujumchi Robert Levandovskining o'rnini egallashi mumkin. Kataloniyaliklar shu yozda shartnomasi yakuniga etadigan Levandovski bilan kelishuvni uzaytirishni rejalashtirishmayapti. Tyuramning "Inter" bilan amaldagi shartnomasi esa 2028 yilning o'rtalarigacha davom etadi.

Markus Tyuram 2023 yilda Myonxengladbaxning "Borussiya" klubidan "Inter"ga o'tgan edi. Joriy mavsumda u 29 ta o'yinda maydonga tushib, 12 ta gol urdi va 5 ta golli uzatmani amalga oshirdi.