Seyvlar foizi bo'yicha APLning eng yaxshi darvozaboni kimligi ma'lum bo'ldi

 16 FEVRAL, 2026, 22:00

Birmingemning «Aston Villa» klubi posboni Emiliano Martines seyvlar foizi bo'yicha statistik jihatdan Angliya Premer-ligasining joriy mavsumdagi eng yaxshi darvozaboni bo'lib turibdi. Football Insider xabariga ko'ra, amaldagi jahon chempioni hozirda liga darvozabonlari orasida eng yuqori ko'rsatkichga ega — uning seyvlari 77% ni tashkil etmoqda.

Martines joriy mavsumda o'z klubi safida jami 28 ta rasmiy o'yinda maydonga tushdi, shulardan 22 tasi Premer-liga hissasiga to'g'ri keladi. Ushbu 22 ta bahsda Martines o'z darvozasidan jami bor-yo'g'i 19 ta gol o'tkazib yubordi.

«Aston Villa» APLda kuchli uchlikda qolishda davom etmoqda. Hozirda birmingemliklar hisobida 50 ochko mavjud va jamoa turnir jadvalida sof uchinchi o'rinni egallab turibdi.