Slot va Saloh o'rtasidagi munosabatlar sezilarli darajada yaxshilandi

 15 FEVRAL, 2026, 23:12

«Liverpul» bosh murabbiyi Arne Slot va hujumchi Muhammad Saloh o'rtasidagi munosabatlar sezilarli darajada yaxshilandi. Bu haqda Touchline nashri xabar bermoqda.

Manba bergan ma'lumotlarga ko'ra, misrlik futbolchining Afrika Millatlar Kubogida bo'lgan vaqti tomonlar o'rtasidagi keskinlikni yumshatishga yordam bergan. Bu vaqt ichida ham futbolchi, ham murabbiy ko'p narsalarni qayta mushohada qilib olishgan.

Muhammad Salohning «Liverpul» bilan shartnomasi 2027 yilning yoziga qadar mo'ljallangan. Joriy mavsumda hujumchi «qizillar» safida 27 ta o'yin o'tkazib, 7 ta gol urdi va 8 ta golli uzatmani amalga oshirdi.