"Manchester Yunayted" yarim himoyani kuchaytirish uchun 50 million evro sarflamoqchi

 15 FEVRAL, 2026, 17:18

"Sporting"ning tayanch yarim himoyachisi Morten Yulmann Angliyaga ko'chib o'tishi mumkin.

"Topskills Sports UK" nashri bergan ma'lumotlarga ko'ra, 26 yoshli futbolchining harakatlarini "Manchester Yunayted" diqqat bilan kuzatib bormoqda. Daniyalik futbolchining shartnomasida 80 million evro miqdorida tovon puli belgilangan bo'lsa-da, yozgi transfer summasi 50 million evroni tashkil qilishi mumkin. Qayd etilishicha, Yulmann taklif etilishi kutilayotgan nomzodlardan biri hisoblanadi, chunki "qizil iblislar" yozda maydon markazini kuchaytirish niyatida.

Joriy mavsumda Yulmann barcha musobaqalarda jami 30 ta o'yinda ishtirok etdi, ikkita gol urdi va to'rtta golli uzatmani amalga oshirdi.