Arbeloa Mbappening "Real Sosedad"ga qarshi o'yinda maydonga tushmaganiga izoh berdi

 15 FEVRAL, 2026, 13:12

Madridning "Real" klubi ustozi Alvaro Arbeloa La Liganing shanba kungi "Real Sosedad"ga qarshi o'yinida maydonga tushmagan hujumchi Kilian Mbappe haqida gapirdi. Poytaxt grandi 4:1 hisobida g'alaba qozongan bo'lsa-da, jamoa to'purari bahsni zaxira o'rindig'idan kuzatib bordi va o'yinga qo'shilmadi.

"Mbappe bilan hammasi joyida. U seshanba kuni "Benfika"ga qarshi kechadigan bahsda asosiy tarkibda maydonga tushishga tayyor bo'ladi. Biz bugun kechqurun uning sog'lig'ini xavf ostiga qo'yishni istamadik", — deya Arbeloaning so'zlarini keltirmoqda "Madrid Universal".

"Qaymoqranglilar"ning "Benfika"ga qarshi bo'lajak uchrashuvi Chempionlar ligasi pley-off bosqichining o'tish o'yinlari doirasida Lissabonda bo'lib o'tadi. Javob o'yini 25 fevral kuni "Santyago Bernabeu" stadionida o'tkaziladi.