Krishtianu Ronaldu boykotdan keyin jahon rekordini o'rnatdi

 15 FEVRAL, 2026, 13:00

"An-Nasr" hujumchisi Krishtianu Ronaldu Saudiya Arabistoni chempionatining 22-turidan o'rin olgan "Al-Fateh"ga qarshi o'yinda hisobni ochdi.

Portugaliyalik forvard 18-daqiqada gol urib, jamoasini oldinga olib chiqdi. Bahsda riyodliklar 2:0 hisobida g'alaba qozondi.

Krishtianu Ronaldu uchun ushbu gol professional faoliyatidagi 962-si bo'ldi va bu jahon rekordi hisoblanadi. Eslatib o'tamiz, portugaliyalik futbolchi "An-Nasr"ning so'nggi uchta o'yinida ishtirok etmagan edi — u klub siyosatidan noroziligi sababli boykot e'lon qilgandi. Ronaldu joriy mavsumda "An-Nasr" safida jami 19 ta gol urdi va 3 ta golli uzatmani amalga oshirdi.