«Tottenxem» Igor Tudor oldiga qo'yilgan asosiy vazifani ochiqladi

 14 FEVRAL, 2026, 17:48

«Tottenxem»ning yangi bosh murabbiyi Igor Tudor bo'ldi. Xorvatiyalik mutaxassis London klubi bilan mavsum yakuniga qadar mo'ljallangan shartnoma imzoladi. «Shporlar» hatto Tudorning oldiga qo'yilgan vazifani ham ma'lum qilishdi.

«Uning vazifasi aniq — mavsumning hal qiluvchi pallasida jamoaga tashkilotchilik, shiddat va raqobatbardoshlikni olib kirish», — deyiladi London klubi rasmiy saytida.

Premer-liganing o'tgan turida «Tottenxem» o'z maydonida «Nyukasl»ga 1:2 hisobida imkoniyatni boy berdi. Ertasi kuni London klubi Tomas Frankning iste'foga chiqarilganini e'lon qildi. Hozirda «shporlar» chempionat turnir jadvalida atigi 16-o'rinni egallab turishibdi.

«Tottenxem» navbatdagi o'yinini 22 fevral kuni «Arsenal»ga qarshi o'tkazadi.