Igor Tyago "Brentford" bilan shartnomasini uzaytirdi

 13 FEVRAL, 2026, 15:12

"Brentford" hujumchisi Igor Tyago klub bilan yangi uzoq muddatli shartnoma imzoladi. Bu haqda "Brentford" rasmiy sayti xabar berdi.

"24 yoshli futbolchi klub bilan 2031 yilning yozigacha yana bir yilga uzaytirish imkoniyati bilan shartnoma imzoladi", - deyiladi klub xabarida.

Angliya Premer-ligasining joriy mavsumida 24 yoshli Igor Tyago 26 ta o'yinda maydonga tushib, 17 ta gol va bitta assistni o'z hisobiga yozdirib qo'ydi.