«Brentford» ustozi «Arsenal» bilan durangga munosabat bildirdi

 13 FEVRAL, 2026, 13:30

Angliya futbolida 26-tur yakunlandi, «Brentford» o'z maydonida «Arsenal»ni mag'lub eta olmadi — jamoalar 1:1 hisobida durang o'ynashdi. «Asalarilar» ustozi Kit Endryus uchrashuv yakunlari haqida to'xtalib, o'z shogirdlarining ishonchli harakatlarini yuqori baholadi.

"Biz g'alaba qozona olmadik, lekin top-klubga qarshi o'yinda barcha jihatlar bo'yicha ajoyib harakat qildik. Ishga bo'lgan munosabat, fidoyilik — bularning barchasidan juda mamnunman. Jamoa butun o'yin davomida ijobiy kayfiyatda bo'ldi", — deya Kit Endryusning so'zlarini keltiradi «BBC Sport».

Natijada «Brentford» ayni damda Angliya Premer-ligasi turnir jadvalida yuqori — ettinchi o'rinni egallab turibdi.