Sterling «Feyenoord»ga o'tganiga munosabat bildirdi

 13 FEVRAL, 2026, 03:18

«Feyenoord»ning yangi a'zosi Rahim Sterling Niderlandiya klubiga o'tishi borasida fikr bildirdi. 31 yoshli ingliz futbolchisi 2025/26 yilgi mavsum yakuniga qadar shartnoma imzoladi.

"Xudoning rejasi. Keyingi bobni boshlashni sabrsizlik bilan kutyapman!" — deb yozdi Sterling ijtimoiy tarmoqdagi sahifasida.

Ingliz hujumchisi «Feyenoord»ga erkin agent maqomida o'tdi, chunki u 28 yanvarda «Chelsi» bilan shartnomasini bekor qilgan edi.

Bungacha u «Arsenal», «Manchester Siti» va «Liverpul» klublarida ham to'p surgan. Uning hisobida barcha musobaqalardagi 599 ta o'yinda 182 ta gol va 133 ta golli uzatma mavjud.