«Manchester Yunayted»ga Fernandeshni sotishni maslahat berishdi

 12 FEVRAL, 2026, 17:00

«Manchester Yunayted»ning sobiq hujumchisi Maykl Ouen yarim himoyachi Brunu Fernandeshning shu yozda jamoani tark etishi mumkinligi haqidagi mish-mishlarga munosabat bildirdi. Uning fikricha, «qizil iblislar» portugaliyalik futbolchini sotish variantini ko'rib chiqishlari kerak.

«Brunu Fernandeshni sotish — uning yoshini hisobga olsak, qiziqarli masala. Unda kerakli fazilatlar va tajriba bor, lekin bu biznes va har kimning o'z narxi bor. Agar gap katta pul haqida ketayotgan bo'lsa, uni sotish haqida qaror qabul qilish kerak bo'ladi», — deya Ouenning so'zlarini keltirmoqda «Metro».

Brunu Fernandeshning «Manchester Yunayted» bilan amaldagi shartnomasi 2027 yilning yoziga qadar mo'ljallangan. Joriy mavsumda yarim himoyachi 25 ta o'yinda maydonga tushib, 6 ta gol urdi va 13 ta golli uzatmani amalga oshirdi.