«Nyukasl» Xauga katta topshiriq berdi: Jamoani EChLga olib chiq yoki ket
12 FEVRAL, 2026, 13:48
«Nyukasl Yunayted» rahbariyati jamoa bosh murabbiyi Eddi Xau oldiga qat'iy talab qo'ydi: mutaxassis mavsum yakunida jamoani Chempionlar ligasi hududiga olib chiqishi shart. Agar «qarg'alar» kuchli beshlikdan (yoki yo'llanma beradigan pog'onadan) joy ololmasa, rahbariyat murabbiy bilan xayrlashishi mumkin.
Eddi Xau klubning ushbu shartini qabul qilgan va vaziyatni o'nglashga va'da bergan. Bu haqda Britaniya nashrlari xabar tarqatmoqda.
Jadvaldagi hozirgi holat:O'rni: 10-o'rin.
Ochkolar: 36 ochko (26-turdan so'ng).
Maqsad: Kuchli beshlikdan joy olish (hozirda 5-o'rindagi «Chelsi»dan 8 ochko ortda).
Garchi ichki chempionatda natijalar kutilganidek bo'lmasa-da, «Nyukasl» Chempionlar ligasida muvaffaqiyatli qatnashmoqda. Jamoa guruh bosqichini 14 ochko bilan yakunlab, 1/8 final (pley-off) bosqichiga yo'l olgan.
