Arauxoning fikri «Atletiko»ga yoqmadi

 12 FEVRAL, 2026, 12:36

Madridning «Atletiko» klubi «Barselona» markaziy himoyachisi Ronald Arauxoning hujumchi Xulian Alvares haqidagi fikrlaridan norozi.

Ispaniya Kubogi doirasidagi bahs oldidan urugvaylik futbolchi Alvares «Barselona»da o'ynashi kerakligini ta'kidlagan edi. «Marca» nashrining xabariga ko'ra, «matraschilar» kiyinish xonasida bu gaplar klubga nisbatan hurmatsizlik sifatida qabul qilingan. Eslatib o'tamiz, Kataloniya grandi anchadan beri argentinalik hujumchiga qiziqish bildirib kelayotgani aytiladi.

«Atletiko» va «Barselona» o'rtasidagi Ispaniya Kubogi yarim finalining dastlabki uchrashuvi bugun bo'lib o'tadi, bahs Toshkent vaqti bilan 01:00 da boshlanadi.