Italiya kubogi. «Latsio» penaltilar seriyasida «Bolonya»ni mag'lub etib, yarim finalga chiqdi (video)

 12 FEVRAL, 2026, 08:34

«Latsio» Italiya Kubogining 1/4 finali doirasida «Bolonya»ni mag'lub etib, yarim finalga yo'l oldi. «Bolonya»dagi «Renato Dal'Ara» stadionida kechgan bahsning asosiy vaqti 1:1 hisobida yakunlandi, penaltilar seriyasida esa rimliklar 4:1 hisobida ustun kelishdi.

Mezbonlarning argentinalik hujumchisi Santyago Kastro 30-daqiqada hisobni ochdi. Rim jamoasi tanaffusdan so'ng darhol muvozanatni tikladi — Tijani Noslin o'z nomini tabloga yozdirib qo'ydi.

Penaltilar seriyasida mehmonlar aniqroq harakat qilishdi — ular o'zlarining barcha 4 ta imkoniyatidan unumli foydalanishdi. Mezbonlar safida esa faqat Tiys Dallinga gol ura oldi, xolos.

Yarim finalda «Latsio» «Atalanta» jamoasiga qarshi maydonga tushadi.

Italiya Kubogi. 1/4 final | 12 fevral | «Renato Dall'Ara» stadioni

Bolonya — Latsio — 1:1 (penaltilar bo'yicha — 1:4)

Gollar: Kastro, 30 (1:0); Noslin, 48 (1:1).

Penaltilar seriyasi: Nunu Tavaresh (0:1), Fergyuson (0:1, darvozabon), Dia (0:2), Dallinga (1:2), Marushich (1:3), Orsolini (1:3, xato), Teylor (1:4).

Bolonya: Skorupski, Lukumi (Xellann, 80), Vitik, Miranda, Zortea, Moro (Froyler, 61), Fergyuson, Odgor (Bernardeski, 70), Kambyagi (Zom, 70), Orsolini, Kastro (Dallinga, 80).

Latsio: Provedel, Romanoli, Xila, Pellegrini (Nunu Tavaresh, 80), Marushich, Rovella (Kataldi, 61), Teylor, Dele-Bashiru, Pedro (Noslin, 45), Isaksen (Kancheleri, 80), Maldini (Dia, 61).

Ogohlantirishlar: Kastro (47), Miranda (74), Vitik (90) — Xila (9), Nunu Tavaresh (86).

Manba: stadion.uz