Rosenor Frankning «Tottenxem»dan ketishiga munosabat bildirdi

 11 FEVRAL, 2026, 21:30

«Chelsi» bosh murabbiyi Liam Rosenor Tomas Frankning «Tottenxem»dagi iste'fosiga o'z munosabatini bildirdi.

«Birinchi navbatda, kasbdoshim o'z ishini yo'qotayotganini ko'rish doimo yoqimsiz. Men Tomas bilan bir necha bor uchrashganman. U ajoyib inson va kuchli murabbiy. Uning ishdan bo'shatilishi bizning ishimiz naqadar qiyin ekanligini isbotlaydi. Unga kelajakdagi faoliyatida omad tilayman», — dedi Rosenor matbuot anjumanida.

Tomas Frank 2025 yilning yozidan buyon «Tottenxem»ni boshqarib kelayotgan edi. «Shporlar» bugun, 11 fevral kuni daniyalik mutaxassisni iste'foga chiqarishdi. Hozirda London klubi APL turnir jadvalida 16-o'rinni egallab turibdi.