"Jirona" Ter Shtegenga o'rinbosar topdi

 11 FEVRAL, 2026, 17:42

«Jirona» yangi darvozabon bilan shartnoma imzolaganini e'lon qildi. Ushbu o'rinni «Marsel»dan ketganidan so'ng erkin agentga aylangan ispaniyalik Ruben Blanko egalladi.

Futbolchi mavsum yakuniga qadar mo'ljallangan shartnomaga imzo chekdi. Eslatib o'tamiz, avvalroq «Jirona» «Barselona»dan Mark-Andre ter Shtegenni ijaraga olgan edi, biroq germaniyalik posbon atigi 2 ta o'yinda maydonga tushib, jiddiy jarohat oldi.

Blanko «Selta» tarbiyalanuvchisi hisoblanadi. U mazkur klub safida juda yosh bosqichida Primerada debyut qilgan va u erda 10 yil davomida faoliyat yuritgan. Joriy mavsumda u biror marta maydonda ko'rinish bermadi, faqat bir bor «Marsel»ning zaxira o'rindig'ida qoldirildi.

Transfermarkt portali ushbu futbolchining bozor qiymatini 800 ming evroga baholamoqda.