Fabritsio Romano: Gvardiolaning o'rnini Entso Mareska egallashi mumkin

 11 FEVRAL, 2026, 11:54

«Manchester Siti» klubi bosh murabbiylik lavozimi uchun nomzodlarni ko'rib chiqmoqda. Jamoaning amaldagi ustozi Xosep Gvardiola ingliz klubini tark etishi mumkin. Bu haqda mashhur futbol insayderi Fabritsio Romano ma'lum qildi.

«Bu nomzod hali ham Entso Mareska bo'lib qolmoqda. Ushbu mutaxassis hozir erkin agent maqomida (u 2026 yilning 1 yanvarida «Chelsi»ni tark etgan). "Shaharliklar" unga anchadan beri qiziqish bildirib kelishmoqda, Gvardiolaning o'zi esa uning iste'dodi muxlisi hisoblanadi. Entso avval ham klubda ishlagan (Gvardiolaning yordamchisi sifatida), APLda tajribaga ega va sovrinlar (jumladan, «Chelsi» bilan Konferentsiyalar ligasi va Klublar o'rtasidagi JCh) qo'lga kiritgan. «Siti» uning imkoniyatlari bilan juda yaxshi tanish», — dedi insayder o'zining YouTube-kanalida.

Hozirda «Manchester Siti» Premer-liga turnir jadvalida ikkinchi o'rinda bormoqda va peshqadam «Arsenal»dan olti ochko ortda qolmoqda.