Reshfordning "Barselona"dagi kelajagi nimalarga bog'liqligi ma'lum bo'ldi

 10 FEVRAL, 2026, 16:54

Markus Reshfordning "Barselona"dagi kelajagi klubda kelasi oy bo'lib o'tadigan prezidentlik sayloviga bog'liq. Bu haqda The Times nashri xabar bermoqda.

"Manchester Yunayted" hujumchisining 26 mln funtga sotib olinishi Joan Laporta saylovoldi kampaniyasining markaziy nuqtasi hisoblanadi. Agar klubni boshqa prezident boshqaradigan bo'lsa, Reshfordni sotib olishdan bosh tortishlari mumkin.

Angliyalik futbolchi mavsum boshida ijara asosida "Barselona"ga o'tgan edi. Klub safida La Ligada 21 ta o'yin o'tkazib, 4 ta gol urgan va 6 ta golli uzatmani amalga oshirgan.