Mircha Luchesku shifoxonadan chiqdi

 10 FEVRAL, 2026, 12:18

Ruminiya terma jamoasi bosh murabbiyi Mircha Luchesku shifoxonani tark etdi, deya xabar bermoqda "Fanat1k" nashri.

Yakshanba kuni, 9 fevral holatiga ko'ra, 80 yoshli mutaxassis to'liq tibbiy ko'rikdan o'tdi. Tekshiruvlar yakunida shifokorlar unga uyiga ketishga ruxsat berishdi — barcha tahlillar a'lo natijalarni ko'rsatdi.

Kutilishicha, Luchesku yaqin vaqt ichida o'z ishiga qaytadi va milliy jamoani 26 mart kuniga belgilangan Turkiya terma jamoasiga qarshi Jahon chempionati-2026 saralashi doirasidagi o'tish o'yiniga tayyorlashni davom ettiradi.

Eslatib o'tamiz, 80 yoshli Luchesku yanvar oyi oxirida sog'lig'i yomonlashgani va yuragidagi muammolar sababli Ruminiyada zudlik bilan shifoxonaga yotqizilgan edi.