Van Deyk «Siti» bilan bahsdagi xatolarni tan oldi

 9 FEVRAL, 2026, 11:36

«Liverpul» himoyachisi Virgil van Deyk «Manchester Siti»dan uchralgan mag'lubiyatga munosabat bildirdi. Angliya Premer-ligasining 25-turidan o'rin olgan bahs 1:2 hisobida yakunlandi.

"Biz faqat o'zimizni ayblashimiz kerak va bor e'tiborimizni imkon qadar tezroq «Sanderlend»ga qaratishimiz lozim, chunki bu juda qiyin o'yin bo'ladi", — dedi van Deyk final hushtagidan so'ng.

«Liverpul» uchrashuvning 74-daqiqasida Soboslaining jarima zarbasidan yo'llagan kuchli zarbasi evaziga hisobni ochgan edi. Biroq avvaliga 84-daqiqada Silva muvozanatni tikladi, so'ngra Erling Xoland qo'shib berilgan vaqtda penaltini aniq amalga oshirib, o'z jamoasiga g'alaba keltirdi.