"Fenerbaxche" o'z etakchisi bilan shartnomani rasman uzaytirdi

 8 FEVRAL, 2026, 22:00

Hujumkor yarim himoyachi Anderson Taliska "Fenerbaxche" bilan yangi mehnat shartnomasini imzoladi. Bu haqda turk klubi saytida ma'lumot paydo bo'ldi.

Yangi shartnomaga ko'ra, braziliyalik xavbek 2028 yilning yozigacha "Fenerbaxche" sharafini himoya qiladi.

Taliska 2025 yil yanvar oyidan beri Turkiyada o'ynamoqda. Joriy mavsumda yarim himoyachi barcha musobaqalarda 33 ta o'yinda maydonga tushib, 19 ta gol urdi va 4 ta golli uzatmani amalga oshirdi.

"Fenerbahche" Turkiya chempionatining 20-turidan keyin turnir jadvalida "Galatasaroy"dan 6 ochko ortda qolib, 2-o'rinda bormoqda.