Ispaniyaning 4 klubi Dele Alli bilan shartnoma imzolamoqchi

 8 FEVRAL, 2026, 19:18

Londonning "Tottenxem" klubi sobiq futbolchisi Dele Alli Ispaniya chempionatida ishlash imkoniyatiga ega, deb xabar bermoqda Talksport nashri.

Manbaga ma'lum bo'lishicha, angliyalik yarim himoyachiga bir vaqtning o'zida La Liganing bir necha klublari - "Xetafe", "Sevilya", "Elche" va "Ovedo" qiziqish bildirmoqda. Ayni vaqtda Dele erkin agent maqomida bo'lib turibdi. Uning so'nggi ish joyi Italiyaning "Komo" klubi bo'lgan.

O'tgan mavsumda 29 yoshli xavbek Italiya chempionatida atigi bitta uchrashuv o'tkazgan. A Seriyaga ko'chib o'tishdan oldin Alli Istanbulning "Beshiktosh" jamoasida o'ynagan.