Merfi: "Brunu Fernandesh - Evropa futbolidagi eng yaxshi "o'nlik"

 8 FEVRAL, 2026, 16:54

«Liverpul»ning sobiq futbolchisi Denni Merfi «Manchester Yunayted» yarim himoyachisi Brunu Fernandeshning o'yini haqida o'z fikri bilan o'rtoqlashdi.

«Hozirgi vaqtda Brunu Fernandesh, ehtimol, Evropa futbolidagi eng yaxshi «o'nlik» (hujumkor yarim himoyachi) hisoblanadi», — deya Merfining so'zlarini keltiradi «Metro» nashri.

Brunu Fernandesh 2020 yilda «Sporting»dan «Manchester Yunayted»ga 65 million evro evaziga o'tgan edi. Uning shartnomasi 2027 yilning 30 iyunigacha mo'ljallangan. Joriy mavsumda portugaliyalik futbolchi «qizil iblislar» safida barcha musobaqalarda 24 ta o'yin o'tkazib, 6 ta gol urdi va 13 ta golli uzatmani amalga oshirdi.