Romeroni jiddiy diskvalifikatsiya kutmoqda

 8 FEVRAL, 2026, 08:36

"Tottenxem" himoyachisi Kristian Romero Angliya Premer-ligasi doirasida shanba kuni "Manchester Yunayted"ga qarshi kechgan bahsda to'g'ridan-to'g'ri qizil kartochka oldi. Odatda, Angliyada to'g'ridan-to'g'ri chetlatish uchta o'yinlik diskvalifikatsiyani anglatadi. Biroq Romero uchun jazo ancha qattiqroq bo'ladi.

"Give Me Sport" nashrining xabar berishicha, Romero joriy mavsumda ikkinchi bor qizil kartochka olgani sababli, ichki musobaqalarda to'rtta o'yinni o'tkazib yuboradi.

Shu tariqa, Kristian Romero "Nyukasl", "Arsenal", "Fulxem" va "Kristal Pelas" jamoalariga qarshi uchrashuvlarda ishtirok eta olmaydi. Argentinalik futbolchi faqatgina mart oyi o'rtalarida, "Liverpul"ga qarshi bahsda maydonga qaytishi mumkin.