Yamal rekord seriyasini davom ettirmoqda

 8 FEVRAL, 2026, 01:54

«Barselona» vingeri Lamin Yamal «Malorka»ga qarshi bahsda (3:0) ham maydonni golsiz tark etmadi.

18 yoshli futbolchi uchrashuvning 61-daqiqasida gol urib, «ko'k-anorranglilar»ning ikkinchi goli muallifiga aylandi. Kataloniya grandining yosh yulduzi barcha musobaqalarda qatorsiga beshta o'yinda gol urishga muvaffaq bo'ldi va bu uning shaxsiy rekordini yangilashidir. Ilgari Yamal klub miqyosida qatorsiga to'rtta yoki undan ortiq o'yinda gol ura olmagan edi.

Bundan oldin futbolchi «Real Ovedo», «Kopengagen», «Elche» va «Albasete» darvozalarini bir martadan ishg'ol qilgandi. Lamin Yamal joriy mavsumda «Barselona» safida o'tkazgan 30 ta o'yinida 15 ta gol va 13 ta golli uzatma berdi.