Emre Jan kamida 3 haftaga safdan chiqdi

 7 FEVRAL, 2026, 23:00

Dortmundning "Borussiya" klubi sardori Emre Jan jarohati sababli bir necha haftani o'tkazib yuboradi.

Jurnalist Patrik Bergerning xabar berishicha, 32 yoshli futbolchi yana chov sohasi va sonning yaqinlashtiruvchi mushaklarida noqulaylik sezmoqda. Jan kamida uch hafta maydonga tusha olmaydi — "Borussiya" rahbariyati u 28 fevral kuni bo'lib o'tadigan "Bavariya"ga qarshi bahsgacha tayyor bo'lishiga umid qilmoqda.

Bundan avval "Borussiya" tarkibida Filippo Mane jarohat olgan edi. Yana bir himoyachi, "Chelsi"dan ijaraga olingan Aaron Anselmino esa qishki transfer oynasida London klubi tomonidan chaqirib olindi va "Strasbur"ga o'tdi.