Kamilla Rahimova Ruminiyadagi WTA 250 turnirining juftlik bahslarida g'olib bo'ldi

 7 FEVRAL, 2026, 20:32

Tennischimiz Kamilla Rahimova ispaniyalik Sara Sorribes Tormo bilan juftlikda Ruminiyaning Kluj-Napoka shahrida o'tkazilgan WTA 250 turnirining juftlik bahslarida g'alaba qozondi.

Final uchrashuvida Rahimova va Sorribes Tormo Xitoy vakilalari Sinyuy Van hamda Saisay CHjen juftligiga qarshi kortga chiqib, ikki setda zafar quchdi. Birinchi set tay-brekda 7-6 (9-7) hisobida yakunlandi, ikkinchi setda esa o'zbek-ispan dueti uchrashuvni ishonchli tarzda 6-3 hisobida g'alaba bilan yakunladi.

Manba: olamsport.com