Flik "Barsa"ning mavsumdagi vazifalarini aytdi

 6 FEVRAL, 2026, 11:12

"Barselona" bosh murabbiyi Xans-Diter Flik jamoaning joriy mavsumdagi vazifalari haqidagi savolga javob berdi.

Kataloniyaliklar allaqachon dastlabki sovrin – Ispaniya Superkubogini qo'lga kiritishdi. Flik jamoasi La Ligada peshqadamlik qilmoqda, Ispaniya Kubogida yarim finalga chiqdi, Chempionlar ligasida esa to'g'ridan-to'g'ri 1/8 final yo'llanmasini qo'lga kiritdi.

"Biz – "Barselona"miz va Superkubokda "Real" ustidan qozonilgan g'alabadan so'ng shuni tushunib turibmizki, barcha sovrinlar uchun kurashishimiz kerak va har bir turnirda g'olib chiqish imkoniyatiga egamiz", – deya nemis mutaxassisining so'zlarini keltirmoqda "Barca Universal".