Azar: «Inter» — favorit, ammo «Yuve» va «Napoli»ni unutib bo'lmaydi»

 6 FEVRAL, 2026, 06:12

Belgiyalik sobiq futbolchi Eden Azar Italiya A Seriyasidagi chempionlik bahsi borasida o'z fikrlari bilan o'rtoqlashdi. Hozirda turnir jadvalida o'tgan mavsum vitse-chempioni «Inter» peshqadamlik qilmoqda, «Milan» esa undan besh ochko ortda qolmoqda.

«Inter» — favorit, ammo hamma narsa o'zgarib ketishi mumkin. «Yuventus» qaytmoqda, «Napoli» ham kuchli. Lekin «Inter»da Chempionlar ligasida ham muvaffaqiyat qozonish imkoniyati bor. So'nggi uch yil ichida ikki bor finalga chiqish — bu tasodif emas», — deya Azarning so'zlarini keltiradi Italiyaning La Gazzetta Dello Sport nashri.

Eslatib o'tamiz, Eden Azar 2023 yilning oktyabr oyida faoliyatini yakunlaganini e'lon qilgan edi.