Vinisius Junior Neymarni 34 yoshi bilan tabrikladi

 5 FEVRAL, 2026, 22:48

«Real» hujumchisi Vinisius Junior ijtimoiy tarmoqlar orqali Neymarga murojaat qildi. Vinisius Braziliya terma jamoasidagi safdoshini tavallud ayyomi bilan tabrikladi. Payshanba kuni Neymar 34 yoshni qarshi oldi.

«Tug'ilgan kuning bilan, aka! Senga eng yaxshi tilaklarni tilayman! Seni yaxshi ko'raman, Neymar», — deb yozdi Vinisius.

Shu yilning yozida Braziliya terma jamoasi Jahon chempionatida ishtirok etadi. Karlo Anchelotti boshchiligidagi jamoaga guruh bosqichida Marokash, Gaiti va Shotlandiya terma jamoalari raqiblik qiladi. «Selesao» so'nggi bor 2002 yilda mundialda g'olib chiqqan edi.

Klub miqyosida esa Neymar hozirda «Santos» sharafini himoya qilmoqda. Yaqindagina braziliyalik yulduz klub bilan shartnomasini 2026 yilgacha uzaytirdi.