"Liverpul" "Real" va "Bavariya" qiziqayotgan yulduzini sotishi mumkin

 5 FEVRAL, 2026, 13:18

Yarim himoyachi Aleksis Mak Allisterning «Liverpul»ni tark etishi mumkinligi haqidagi gap-so'zlar yana avj olmoqda. indykaila News ma'lumotlariga ko'ra, mavsum yakunlanganidan keyin «qizillar» argentinalik futbolchining jamoadagi kelgusi istiqbollari masalasini ko'rib chiqishadi. Manbaning xabar berishicha, yakunda xavbekni sotish bo'yicha qaror qabul qilinishi ham istisno etilmaydi. Hozirda Jahon chempioniga Madridning «Real» va Myunxenning «Bavariya» klublari qiziqish bildirmoqda.

Transfermarkt portali ekspertlari Aleksis Makallisterning narxini 85 million evroga baholamoqda. 27 yoshli futbolchining «Liverpul» bilan amaldagi mehnat shartnomasi 2028 yilning o'rtalariga qadar mo'ljallangan.