«Inter» prezidenti: «Dyumfrisni almashtira oladigan futbolchilarimiz bor»
5 FEVRAL, 2026, 12:36
Milanning «Inter» klubi prezidenti Juzeppe Marotta jamoa yarim himoyachisi Denzel Dyumfrisning jarohati haqida o'z fikrlari bilan o'rtoqlashdi.
«Uning qachon safga qaytishini aniq bilmaymiz, lekin tez orada sog'ayishiga umid qilamiz. Tarkibimizda biz ishtirok etayotgan barcha musobaqalarda uning o'rnini bosa oladigan futbolchilar bor», — deya funktsionerning so'zlarini keltiradi Sport Mediaset nashri.
Joriy mavsumda 29 yoshli futbolchi barcha turnirlarni hisobga olgan holda 15 ta uchrashuvda ishtirok etdi va o'z hisobiga uchta gol yozdirib qo'ydi.
