Reynders: "Arsenal"ni finalda mag'lub etish uchun hamma narsani qilamiz"

 5 FEVRAL, 2026, 07:36

"Manchester Siti" yarimhimoyachisi Tijani Reynders jamoa Angliya Liga kubogi finaliga chiqqach, intervyu berdi.

"Biz finalga chiqish ishtiyoqida yonardik, buni dastlabki daqiqalardanoq ko'rsatdik. Jamoaning ajoyib chiqishi. Bu safar oldingi o'yinlardagi kabi beparvo bo'lmadik. Bu juda katta yordam berdi.

Men sovrinlar uchun futbol o'ynayman. "Uembli"da birinchi marta o'ynashim kerak - ajoyib tajriba. "Arsenal"ni mag'lub etish va kubokni ko'tarish uchun barcha ishni qilamiz", - dedi Reynders Sky Sports’ga bergan intervyusida.

Eslatib o'tamiz, "kanonirlar" yarim final bahsida "Chelsi"ni mag'lubiyatga uchratgan edi.